Jamita Johannes 17: 20-26

JAMITA JOHANNES 17: 20-26

Tema: HASADAON NI NAPORSEA DI BAGASAN JESUS

Pdt. Jusuf Hutapea

I. Patujolo

            Manghatai taringot tu hasadaon ni na porsea sonari nga sada sipikiran namansai bangkol. Ai maol do jumpa hasadaon ni angka naporsea, jala lam torop do huria nuaeng nasai martolpangan manang marbolakbolak jala sipata gabe tamba gareja ala ni na so adong hasadaon. Sian panatapan teoritis dohot teologis, huria i songon οἰκοδομέω “oikodomeō “bagunan” na dipajongjong di atas dasar Kristus jala jotjot do didok σομα του Χριστου “Pamatang ni Kristus”  (the Body of Christ). Alai buktina nuaeng on nga marbolaan be bangunan i jala pamatang i pe ndang holan targores be nunga hera na diseati jala marponggolan. Suasana ni hasadaon i nga lam maol be tahilala manang lam mago be nuaeng di huria, nga lam primodial jala hasadaon di na sahuria pe nga lam bangkol lam hasadaon tu huria na asing ma. Alai marhite turpuk on naeng bagas antusanta ringkot ni hasadaon ni naporsea i.  

II. Hatorangan Ni Turpuk

1. Hasadaon ndang na sai ingkon hasarupaon/keseragaman (ay. 20 – 21)

Gombaran ni hasadaon ni halak Kristen i tung mansai imbar do sian hasadaon na asing (unik), hasadaonta ndang na gabe hasarupaon/keseragaman. Unik ni hasadaontai, ala digombarhon dongon hasadaon ni Jesus tu Ama i. Holan huria i do na dingombarhon hasadaonna songon hasadaon ni Jesus tu Debata Ama. Ido umbahen ndang tapahami hasadaon i gabe dos bentuk ni Ibadah, gedung Gereja, dogma, aturan, dll alai hasadaon na tinangiangkon ni Jesus i hasadaon di bagasan Ibana do. Laho patangkashon pangantusion taringot tu hasadaon i mansai torang jala denggan hian do pangantusian ni si William Barclay: “What was that unity for which Jesus prayed? It was not a unity of administration or organization; it was not in any sense an ecclesiastical unity. ... Christians will never organize their Churches all in the same way. They will never worship God all in the same way. They will never even all believe precisely the same things. But Christian unity transcends all these differences and joins men together in love. The cause of Christian unity at the present time, and indeed all through history, has been injured and hindered, because men loved their own ecclesiastical organizations, their own creeds, their own ritual, more than they loved each other. If we really loved each other and really loved Christ, no Church would exclude any man who was Christ’s disciple. Only love implanted in men’s hearts by God can tear down the barriers which they have erected between each other and between their Churches” (hasadaon songon dia do na tinangiangkon ni Jesus? Ndang hasadaon taringot tu system sinode manang organisasi;  tung ndang i lapatanni hasadaon ni gereja. Naporsea i ndang hea boi mangorganisir/mangatur huriana dohot cara na sarupa manang seragam. Naporsea i ndang  menyembah / beribadah tu Debata dohot cara na dos/sarupa. Jala ndang hea halak naporsea i dos sude napinorseaan. Alai hasadaon ni naporsea melampaui sude perbedaan-perbedaan i  jala dipapungu ma sude naporsea i di bagasan holong. Hasadaon ni halak Kristen sonari, jala mulai sian na jolo, nungga disegai huhut dihalangi, ala naporsea i  holan manghaholongi organisasi gereja nasida sandiri, pengakuan iman nasida sandiri, ibadah/acara nasida sandiri, lobi sian na masihaholongan tu angka na porsea na asing. Molo tutu do hita masi haholongan sama hita jala tutu manghaholongi Kristus, ndang adong gereja namanghaluarhon donganna na sahuria. Hola holong na sinuan ni Debata di bagasan ateate ni jolma i do naboi mangaropanghon manang manantangi dorpi-dorpi namambolati nabinaen nasida jala mambahen nasida gabe marbolatbolat di ganup huria nasida be.)

Tontu sada hal na absolute manang namutlak ima haporseoan tu Jesus, ala na so muntlak ima angka, pola Ibadah, organisasi, ruhut-ruhut ni huria, dohot lan angka na asing. Hasadaon di bagasanan Jesus i ma gabe hagogoon ni naporsea i laho maralahon portibion. Andorang so turpuk on didok di ayat 11: “Ndang di portibion be au tu joloan on, di portibion do anggo nasida; na ro do Ahu manopot Ho. Ale amang na badia, ramoti ma nasida di bagasan Goarmu, angka na nilehonMi tu Ahu, asa sada nasida songon hita.” Diboto Jesus do rumang ni portibion si adopan ni angka naporsea i, gogo na sida ima ingkon di bagasan hasadaon.

2. Hasadaon Ni Naporsea I Do Patandahon Jesus Tu Portibion (ay. 22-26)

            Porlu do pabagasonta impola dohot ringkot ni hasadaon ni naporsea i. Didok Jesus di ayat 22: “Nunga hulehon tu nasida hasangapon na nilehonmi tu Ahu, asa sada nasida songon Hita na sada roha i.” Balganai hape hasangapon ni halak naporsea i dibahen Jesus. Pola do hasangapon ni Jesus i dilehon, huhilala ima hasadaon ni Jesus dohot Debata jala hasadaon sisongoni ma dilehon Jesus tu naporsea i di bagasan Jesus. Jadi ndang adong be tudosan ni hasangapon/hasadaon sisongonon di hasiangan on. Ai jolma do hita alai olo Jesus gabe sada hita di bagasan Ibana, ba ndang binotope balga jala arga ni hasangapontai. Hape rotahanta dope i dohot pangalaho parbolakbolahan. Hasangapon/manang hasadaonta dohot Jesus i ma dihirim Jesus mambahen hita gabe sada, jala holan disi do hita boi sada.   

Hasadaon ni naporsea i bersangkut paut do tu hadirion ni Jesus. Didok “asa diboto portibion, Ho marsuru Ahu...” Sian hasadaon ni naporsea i naeng tarida na tutut do Jesus i Tuhan na sinuru ni Debata tu portibion. Hasadaon i ringkot ala demi kepentingan ni Jesus do asa diboto portibion. Asa diboto portibion ia Jesus Sipalua jala Anak ni Debata na disuru ro tu portibion. Berarti tung mansai esesial hian do hasadao ni huria i hape. Hasadaon i gabe sada panindangion tu Jesus.

            Ringkot ni hasadaon i muse, asa diboto portibion na dihaholongi Debata do angka naporsea i. Sian hasadaon ni naporsea i ma tarida holong ni Debata tu huria i. Nalnal ma tatapon ni nahumaliang manang portibion marhite hasadaon ni na porsea i. Boi do i gabe entry point ni barita nauli manang barita taringot tu Jesus tu portibion. Unang ala na so adong hasadaon ni huria i gabe tutup barita taringot tu Jesus tu nahumaliang. Memang secara sederhana tapingkiri, holan marbadai sada gareja jala di ida angka na so porsea bah na pasti nga gabe lam maol tu si baritahononton taringot tu Jesus. Secara sederhana, ende olo do ndang di halomohon jolma mambege ndang na ala ende i, ala i ala ni parende i do (Singer). Jadi barita nauli i olo do ndang gabe di jalo jolma ala ni parbaritanauli i do manang huria. Sian ringkot ni hasadaonon boi ma lam bagas lapationta tangiang ni Jesus on na langsung marhahonaan manang bersangkut-paut tu Jesus. Gabe Jesus do ditolak manang ndang ditanda portibion molo ndang sada na porsea i. Lapatanna, gabe Jesus do korban molo sai marbadai na sahuria manang antar huria. Porlu bagas antusanta i, asa unang sai holan pasombu tagas dohot mamingkiri na ringkot di hita gabe las mago na ringkot di Jesus. Jadi porlu manat jala tung jamot laho manjaga hasadaon di huria. Marsisir do sipata imbulu mambage holan ala ni kepentingan ni jolma korbanhononton kepetingan ni Jesus di huria i. Hape sai tadok Jesus Raja ni Huria, hape gabe hita do sipata raja dohot mangarajai di huria i. Memang molo jolma do mangajai huria sega do, alai molo tutu Jesus mangarajai huria gabe boi do sada di bagasan Jesus.

            Ulaon namansai ringkot di huria, ima laho manghatindangkon/sitindangi ni Kristus. Jala boi gabe tanda on ni portibion Jesus molo marsada do huria i. Didok di ayat 25-26: “Ale Amang na bonar: So ditanda portibi on pe Ho, anggo Ahu, hutanda do Ho, jala diboto angka on, Ho do marsuru Ahu. Nunga hupabotohon tu nasida Goarmi, jala pabotohononku dope, asa di bagasan nasida holong ni rohami na di Ahu, jala asa Ahu di bagasan nasida.”  Sian turpuk on tarida muse marhite hasadaon i, tarida holong naung nilehon ni Jesus di angka naporsea i. Hea do dihubungkon Jesus muse ia holong i gabe tanda do i na sisean ni Jesus manang siihuthon Jesus hita. Sian holong do i tarida jala botoon ni portibion ma na halak Kristen hita (bdg. Joh. 13: 35).

III. REFLEKSI/HAHONAAN SIAUHONONTA:

Molo tapamanat do nuaeng bohi ni huria sian panatapan hasadaan, nga lam roa be idaon. Bohi hasadaon na digambarhon di turpuk on nga lam kabur. Ndang holan bopengbopengon be, alai nga ndang jelas be tandaon bohi hasadaon na halak Kristen manang daong. Nga godang naung sega hasadaon di huria. Baik huria lokal nang pe universal. Sipata ala ni holan manontuhon guru huria pe, boi do gabe mago impola ni hasadaon. Songoni tu uluan ni huria naun timbo. Nga lungun roha sipata manatap parsaoran ni huria i. Sai godang do nian dibaen angka punguan-punguan manang didok Persatuan Ama, Persatuan Wanita, dll alai so adong hasadaon.

      Marhite turpuk on naeng sonson ma tu ateate ni punguanta asa mangonjar tu hasadaon natutu. Tahabiarhon ma ia huria i, nampuna ni Debata alani ingkot manat jala jamot. Unang ala ni lomolomonta gabe ndang jumpa lomo ni Debata. Unang tapalos margeser subtasi manang nilainilai ni hurianta i. Jala lamtarida ma nilainilai ni hurian i marhite angka hasadaon dohot habadiaon ni huria i.

Tingki di Rapot Pandita HKI Maret 2011 di Toledo Tuktuk si Adong Samosir, tung bagas jala secara husus do on dipergumulhon asa adong hasadaon. Ala sude do hita mangarajumi ringkot ni hasadaon laho manorushon pardalanan ni huriata. Alani i tahangoluhon ma tangiang ni Tuhan Jesus on di hurianta HKI, mulai sian uluan sahat tu tongatonga ni ruas di ganup hurianta. Amen